پیپلز پارٹی کے چیئرمین بلاول بھٹو زرداری کے ترجمان سینیٹر مصطفیٰ نواز کھوکھر نے کہا ہے کہ گلگت بلتستان انتخابات میں شکست دیکھ کر وفاقی حکومت بوکھلا گئی ہے۔
ایک بیان میں مصطفیٰ نواز کھوکھر نے کہا کہ وزیراعظم ہاؤس اور وفاقی وزراء گھبراہٹ میں عجیب و غریب الزامات لگارہے ہیں۔
انہوں نے کہا کہ بلاول بھٹو نے گلگت بلتستان کے عوام کے سامنے اپنا منشور رکھ کر مہم چلائی ہے جبکہ حکومتی وزراء کے پاس منشور نہیں صرف الزامات تھے۔
پی پی چیئرمین کے ترجمان نے مزید کہا کہ انشاء اللّٰہ گلگت بلتستان کے عوام پیپلز پارٹی کو واضح اکثریت سے کامیاب کروائیں گے۔
