روس کے صدر ولادیمیر پیوٹن نے نومنتخب امریکی صدر جوبائیڈن کو الیکشن میں جیت پر مبارکباد دے دی۔
انہوں نے کہا کہ روس کی طرف سے جوبائیڈن سے رابطے کے لیے تیار ہوں۔
صدر پیوٹن نے کہا کہ امریکا، روس اختلافات کے باوجود کئی عالمی مسائل، چیلنجز کو حل کر سکتے ہیں۔
اس سے قبل روس کے صدر ولادیمیر پیوٹن نے آئندہ امریکی صدر جوبائیڈن کو سرکاری نتائج کے آنے تک امریکا کا صدر تسلیم کرنے سے انکار کیا تھا۔
سرکاری ٹی وی کو انٹرویو میں ولادیمیر پیوٹن کا کہنا تھا کہ امریکا کے کسی بھی رہنما کے ساتھ بات کرنے کو تیار ہیں۔
پیوٹن نے جو بائیڈن کو جیت کی مبارکباد نہ دینے کے فیصلے کو ایک فارمیلٹی قرار دیا اور کہا کہ جوبائیڈن کوبطور امریکی صدر تسلیم کرنے کو ابھی تیار نہیں، ہر اس شخص کے ساتھ مل کر کام کریں گے جس پر امریکی عوام کا اعتماد ہے۔
ان کا کہنا تھا کہ اعتماد اسی امیدوار کو حاصل ہوگا جس کی جیت کی قانونی طریقے سے تصدیق کی گئی ہو۔
