کراچی کی بڑی مارکیٹوں اور بازاروں کے دکانداروں نے سندھ حکومت کے احکامات نظر انداز کردیے۔
ملک میں کورونا وائرس کے کیسز بڑھنے کے باعث محکمہ داخلہ سندھ نے صوبے بھر میں بازار 6 بجے بند کرنے کے احکامات جاری کیے تھے۔
کراچی میں زینب مارکیٹ، صدر الیکٹرانکس مارکیٹ، پاکستان چوک 6 بجے کے بعد بھی کھلے رہے۔
صوبائی حکومت کے احکامات پر عملدرآمد لائٹ ہاؤس، نیو ایم اے جناح روڈ پر بھی نظر نہیں آیا جبکہ لیاقت آباد میں بھی اکثر دکانیں کھلی رہیں۔
شہر کے بڑے بازاروں میں شامل طارق روڈ پر بھی تمام کاروباری مراکز 6 بجے کے بعد بھی کھلے رہے۔
شہر قائد کی بڑی مارکیٹوں میں حکومتی احکامات کو نظر انداز کیا گیا ساتھ ہی انتظامیہ کی جانب سے بازار بندش کے لیے کوئی انتظامات بھی نظر نہیں آئے۔
